ഏകനായിരുന്നു ഞാനന്നാ -
സ്സന്ധ്യാനേരത്താക്കടല്തീരത്തായ്...
പെട്ടെന്നാര്ത്തിരമ്പീ കട,ലൊരു
കൊടുങ്കാറ്റിന് ശക്തിയാല്.
ഞെട്ടിത്തെറിച്ചുപോയ് ഞാ -
നെന് ‘സെറിബല്ലം’1 തകരാറിലായ്...!
കണ്കളിലിരുട്ടു വ്യാപിക്കുന്നൂ... ചുറ്റും
മരണത്തിന്നന്ധകാരക്കമ്പിളിപ്പുതപ്പോ...?
ഞാന് വീണ,തെന് 2ഭാഗ്യമോ നിര്ഭാഗ്യമോ? - ഒരു
പെണ്കൊടി തന് കൈകളിലായിരുന്നു.
കണ് തുറന്നൂ ഞാ,നെന് മനസ്സില്
മിന്നിപ്പൊലിഞ്ഞൂ ചിഒന്തകള് പലവിധം!
തളര്ന്നു ഞാന് വീണ്ടുനാ പ്രകാശത്തി -
ന്നുജ്ജ്വലതയാലെന് ‘റെറ്റിന’ തകരാറിലായ്...!
ആശുപത്രിക്കിടക്കയില്ക്കിടന്നു ഞാന -
തറിഞ്ഞൂ - നടുക്കുന്ന സത്യം - എന്
കാഴ്ച യാത്രയായ്...!
ഞെട്ടിത്തെറിച്ചീല ഞാന്, പൊട്ടി -
ക്കരഞ്ഞീല ഞാ,നൊരു നീണ്ട
നിശ്വാസത്തിലടക്കീ,യെന്
ദു:ഖങ്ങളെ, മനസ്സിന്നിരുളാണ്ട തടവറയില്!
1: സെറിബല്ലം: മനുഷ്യനില് ശരീരത്തിന്റെ തുലന നില പാലിക്കാന് സഹായിക്കുന്ന തലച്ചോറിലെ ഭാഗം.
ഇതിന് തകരാറുണ്ടായാല് അബോധാവസ്ഥയുണ്ടാകാം.
2: ‘ഭാഗ്യം’ എന്നു പറഞ്ഞത് കടലോരത്തെ പാറക്കെട്ടുകളില് തലയടിച്ചു വീണ് മരിക്കുന്നതില് നിന്ന് രക്ഷപ്പെട്ടതിനെയാണ്.
ആഗസ്റ്റ് 19, 1992
|
Favourites
